^{छत्तीसगढ़ महतारी}

^{मोर छत्तीसगढ़ महतारी तोर आरती उतारी।}

^{तैं अस धान के कटोरा सुघर लछमी के कोरा।}

^{तोला छोड़ के काहाँ जाई इहाँ रतनपुर महमाई।}

^{इहाँ डोंगरगढ़ बमलाई इहाँ तपसिन संवरी दाई।।}

^{खप्परधारी ओ कंकालीन}

^{जउन रकसा संघारिन}

^{आसीस देवयँ भरपूर}

^{लोकदेव भँइसा सूर}

^{सीतला संग सत बहनियाँ}

^{सुमरथें संझा बिहनियाँ}

^{जउन पावयँ पहिली नेवता}

^{ओ बिराजै ठाकुर देवता}

^{तोर छाती म ओ। मोर छत्तीसगढ़ महतारी…}

^{गँडवाबाजा के गुड़दुम}

^{रेंहचुल के चुर्रुक चूँ}

^{जँवारा लील्ला नवधा}

^{सोहर भोजली के गाना}

^{आनी बानी के हाना}

^{घर-घर म तुलसी चौंरा}

^{सिरजैं गउरी अउ गउरा}

^{तोर माटी म ओ। मोर छत्तीसगढ़ महतारी…}

^{जिहाँ खेत खार परिया}

^{असनाँदे बर तरिया}

^{मन मगन होय लहरिया}

^{गावयँ सुघर ददरिया}

^{हरियर मँड़वा गड़ाके}

^{सुघर नेवता भेजा के}

^{नेंग हरदी सुपारी}

^{गावयँ गुरतुर गारी}

^{अँखरा के संग परघौनी}

^{ओ अलकरहा भड़ौनी}

^{भरे हे ताेर झाँपी म हो। मोर छत्तीसगढ़ महतारी…}

^{प्रो. डॉ. राजन यादव}

^{हिंदी विभाग}

^{इंदिरा कला संगीत विश्वविद्यालय खैरागढ़}

 और इसे भी पढ़ें...

स्त्री महोत्सव: तानपुरे का सुर व तबले की ताल पर मंजुषा ने गाया खयाल, सरोद-सितार पर खेला श्रीलंकाई हुनर, आनंद मंगलम के घुंघरुओं से गूंजा समा